Aleine heime

Ein månad aleine i London. Det må jo gå bra? Eg kjenner jo folk her, veit jo kor ting er?
Når ein er vant til å vera sambuar, er det litt rart å plutseleg ha dobbelt så mykje plass i senga, og ingen å lista seg rundt på tidlege morgonar. Samtidig er det fint å vita at ein klarar seg fint på eiga hand. Eg gjer som eg pleier når eg treng litt motivasjon. Lagar liste! Med ting som eg har tenkt å gjera aleine.

• Gå på kafé. Det gjer eg jo uansett, så det hadde vore frykteleg rart om eg skulle slutta med det no.
• Gå på kunstutstilling. Ingen som dyttar ein vidare, og ingen som held ein tilbake. Det er fint å få glo i fred.
• Utendørssymjing. I Hampstead fins det ein Ladies' Pond full av damer og ender. Eg har vore der ein gong før, og det var omlag det beste eg har gjort i heile sommar. Altså skal eg tilbake.
• Gå på kino. Her er eg heilt jomfru, så det blir spennande. Så langt står valget mellom Monsters University, Kick-Ass 2 og The Conjuring.
• Sykla tur. Med eit pledd, ei bok og noko godt i sykkelkurven.
• Å gå tur langs Parkland Walk, ei nedlagt toglinje som snirklar seg under bruer og tunellar. Best av alt, den svinger visstnok innom nabolaget mitt!

 Hurra, motivasjonen er på plass! Ha ein finfin lørdag.

(No kjem eg snart)

I det siste har eg sakna Oslo meir enn alt. Oslo er den første byen eg har budd i, den første byen eg har vore student i, og den første byen eg rekna som min. Inni hovudet mitt bur det masse fine Oslominner som eg kikkar på innimellom, men det er jo ikkje heilt det same. Heldigvis skal eg på Osloferie om berre nokre dagar! Eg gler meg så mykje at eg har laga liste.

• Dansa/vagga/smila til Frank Znort på Blå
• Kjøpa makronar på Sebastian Bruno
• Spela brettspel på Colonel Mustard
• Rusla/jogga langs Akerselva
• Sjekka ut mathallane
• Skrapa kryssordflax
• Drikka espresso på Kaffefuglen
• Spela kubb i parken
• Laga middag i det rosa huset
• Synga høgt på øvingshotellet
• Eta ei terte på Liebling
• Gå på kjolejakt på UFF og Frøken Dianas salonger
• Kjøpa ei bok på Tronsmo
• Treffa dei beste eg veit

Femten fortreffelege

1. Sola som skin på tastaturet mitt og seier "Skriv om meg!"
2. Puslespelet som eg kjøpte for eit pund, og som gjer meg glad
3. Å tenka på kor fint det var å vera i Berlin
4. Å oppdaga ein ny kafé med utsikt over Londons hustak

5. Å oppdaga ny musikk mens eg puslar (dei beste til no: Noosa, Tom Odell og Matt Corby)
6. At våren er på veg (eg kryssar alle fingrar)
7. Når påskeliljene endeleg åpnar seg
8. Å le av Mathias som bestilte den største calzonen NOKON GONG

9. Ingen planar, ingen bekymringer
10. Lakristannkrem
11. Hus som latar som dei er sjakkbrett

12. Å ha eit kapittel igjen i boka, og spara det til den rette augneblinken
13. Å lesa fine bloggar (mine favorittar nett no: Frøydis, Ine og Ennui)
14. Å belønna seg sjølv etter trening med sjokolade
15. Å gjera nye ting saman med Mathias, som for eksempel å bygga eit kamera av papir

8

Eg fekk ein dytt frå Ragnhild som utfordra meg til å skriva åtte sanninger om meg sjølv. Det kan eg klara!

1. Eg er einebarn, og det har resultert i at eg er ekstremt god til å vera aleine på kafé, og ekstremt dårleg til å dela snop med andre. Spesielt smågodt.

2. Eg har to personlighetar. Frøydis og Svoltne Frøydis. Sistnenvte er ikkje noko særleg.

3. Då eg var lita ville eg vera ein gut og heitta Martin. Det blei ikkje noko av.

4. Ein dag skal eg bu i Paris. Det har eg bestemt, for kvar gong eg reiser til Paris føles det som om heile byen foldar seg saman og gjer meg tidenes beste klem.

5. Eg har ein tendens til å vera redd for at folk skal synast at eg er keisam. Det er ganske keisamt.

6. Eg har ein litt skranglete hukommelse. Det betyr at eg kan bli overraska over den same tingen to gonger på rad. Av og til tre.   

7. Eg syns at sjokolade gjer verda betre.

8. Om fem dagar reiser eg til Berlin. For å treffa nokon av dei beste som fins, og for å helsa på ein by som eg aldri har møtt før. Heilt sant.

Laurdagsgleder

Å vakna opp klokka ti, og eta sjokolade i senga

Å merka at denne dagen blir bra, nesten før ein åpner augo

Blomar i ein kopp

At det er varmare enn i går, sånn at me kan kviskra om vår

Å lesa bok på kafé, og smuglytta på folk som snakkar fransk

Besøk frå ein fin Oslovenn

Fine bygningar som har så mange vindauge at dei nesten ikkje får plass

At det fins kald øl som ventar på meg

At skoa mine er raude

5 grunnar til at regn ikkje er så gale likevel

1. Det trommar så fint på vindauget
2. Ein kan vera inne heile dagen utan å få dårleg samvittighet
3. Ein kan gå tur og bli blaut og kald, og koma inn til tørre sokkar og kakao
4. Dei fine raude/prikkete/blomstrete støvlane kan få lufta seg
5. Ikkje noko regn, ingen regnboge

Sommargleder

Varme kveldar med globuslys og knitring frå platespelaren

Frokost på benken i hagen (ja, me har hage!) med scrabble til dessert

Å våkna klokka ti, bli liggande i senga og lesa fordi det er fint og fordi ein ikkje treng å stå opp

Sommarregn på takvinduet og på nasetippen 

Å flyga ned til byen på bestemorsykkel og tenka at verda ligg og ventar

Å gjennoppdaga bøker ein las då ein var tolv (i mitt tilfelle; Kabalmysteriet)

Gule roser på kjøkkenbordet