Viser innlegg med etiketten om fint. Vis alle innlegg
Viser innlegg med etiketten om fint. Vis alle innlegg

mandag 24. mars 2014

Våren våren våren

Våren, du er så bra! Eg er glad for at fine folk finn veien heilt til London, og for at eg om ei veke sit og dinglar på eit fly til København. På tide med ein liten vårdans!



lørdag 15. mars 2014

Ting som har gjort meg glad i det siste


Rosa tre er verkeleg aldri feil.


Rolege kafebesøk med yndlingsmagasinet mitt


Minipannekake!

Fine ord om musikken vår som eg nesten måtte grina av. Her og her.


Å få trena yoga i ei gammal kyrkje (og få garderoben heilt for meg sjølv!)

At eg klarte å posjera mitt første egg. Små barn, store eggegleder.



Dette mennesket, alltid alltid alltid.

onsdag 5. mars 2014

Fint med frilans

Å sova ein ekstra time på dei dagane ein verkeleg treng det.

At det ikkje fins kleskoder og at det er heilt okei å kjøra på med pysjbukser og leppestift om ein kjenner trangen.

At ein kan lata som det er ein del av jobben å testa ut nye kaféar.

At det er skikkeleg kort til do og at ingen har tissa på golvet.

Å ta syngepausar når ein vil (og at naboen av og til syng med).

Å trekka frå gardinene og kikka ut på dette kvar morgon.





søndag 26. januar 2014

2014

2014. Der var du jo! Og her er eg. Eg har gøymt meg litt frå internett den siste månaden, men no har eg funne veien tilbake. I år skal eg læra meg å lika oliven, og koka eit posjert egg for første gong. Sånn her har dei første vekene i 2014 sett ut. Eg håper resten blir like fine!








Kattekos, MONOPOL, boksikling, øldrikking, gatevandring, frokostkos, fargerik onsdag og fine kaféveggar.

lørdag 7. desember 2013

Ting som gjer meg glad

1. Desember
2. Senka skuldre
3. Lukta av ein nyskrella mandarin
4. Denne sangen
5. Litt for sterk kaffi
6. Øl med korjenter
7. Å pusta skikkeleg djupt inn
8. Planar om bingobursdag
9. At det er lov å høyra på julemusikk no
10. Kjærasten min
11. At eg skal på konsert i kveld, og at det er mitt band som spelar!

Ein, to, tre, klar!


søndag 24. november 2013

M&M



Dette er meg om dagen. Med munnen full av mat, eller klar til å hoppa på sykkelen etter bandøving. Eit liv som kransar seg rundt mat og musikk må jo vera eit godt liv?
Eg trur det.

torsdag 5. september 2013

3 fine ting på det store internettet

1. Denne reklamen/kortfilmen! Skulle ønske eg var like kul som ho.

2. Optimistene. Eg vurderar å reisa heim til Norge berre for å sjå denne filmen på kino. Gamle folk <3>

3. Skulle gjerne hatt desse finingane på kjøkkenet. Pandapanne og ugleglas.

onsdag 15. mai 2013

Mandagsfint

Sidan mandag kan vera ein litt vanskeleg/grå/lang/tung dag, er min nye plan å gjera noko mandagsfint kvar veke. Denne mandagen blei det kafé, merkeleg nok. Eg er ikkje bestevenn med Tottenham Court Road, mest fordi han er så stor og bråkete. Men ein plass i alt mylderet ligg Paperchase, som er tidenes beste butikk. Den er full av notatbøker, almanakker, kart, fine magasin og ein bra kafé i tillegg. Så kan ein setta mylderet på lydløs.





Vips så blei mandagen bra! Om nokon har forslag til ting som gjer mandagar betre, så vil eg gjerne høyra.

torsdag 9. mai 2013

Tavletorsdag


 To ting som er bra: tavle og komle.

fredag 3. mai 2013

Fredagsfinurlig

Eg og Mathias tjuvstarta helga i går, med ein uslåeleg kombinasjon av indisk restaurant og Vampire Weekend-konsert etterpå. Hurra for at alle band som er bra kjem til London! Eg har nettopp levert arbeidet mitt for denne veka, og no er det berre litt sangskriving som står mellom meg og ei kald øl. No blir det kanskje litt for mykje skryt på ein gong, men det er altså 19 grader og sol i London! Fytti katten. God helg!


onsdag 12. desember 2012

12.12.12 (24 år)

I dag er det bursdagdag! Det er den finaste dagen eg veit, for eg får gjera berre fine ting og eta berre gode ting. Så langt er planen å gå på skøyter, besøka naturhistorisk museum, eta kake, drikka øl, og ha konsert saman med Londonkoret. Eg håpar at alle får ein skikkeleg fin dag og unnar seg noko fint, om ikkje anna fordi det er 12.12.12. Hurra! 

søndag 2. desember 2012

Der var du jo, desember





På vår nye kommode står tre julekalendarar, Sufjan Stevens syng om snø, og i vindauget er det raude lys i plassen for kvite. Desember vinn over dei andre månadane fordi han inneheld advent, jul og bursdag på ein gong. Eg feirar at han er her med min bestaste julekjole! 

lørdag 20. oktober 2012

Hausthår

Plutseleg sto me på badet. Eg med eit håndkle rundt skuldrene, han med ei flaske hårfarge i hånda. 

mandag 24. september 2012

Mánudagur

I dag er det mandag på ordentlig. London har omsider sluppe taket i sommaren, og utanfor vindauget mitt er det berre regn. Då er det ekstra fint at dette skulle vera ein innedag uansett! Innedagen min skal bestå av frilansjobbing i sofaen, lange pausar med Gilmore Girls/Top Model/gitarspeling, og pianoliming. Det skal eg forklara nærmare ein annan gong. Finast av alt, i kveld kjem mi flotte mor heilt frå Klepp for å besøka meg. Eg gler meg! Nokre dagar med kaféliv, musikalopplevelsar og smil frå eit kjent fjes er akkurat det eg treng. God mandag!


lørdag 28. juli 2012

Sykkellykke

Om det er noko som gjer meg glad, så er det å sykla ned til byen langs Akerselva. Vind i håret, skjørt som blafrar, og hundekvalpar som ikkje har lært seg å gå i band. Sykkellykke!

onsdag 11. juli 2012

Mini

Eg har vore på miniferie på Klepp, hatt ein minipause på bloggen og i dag skal eg spela minigolf! Hvis berre regnet held seg opp i skyene. Ha ein fin onsdag!


søndag 10. juni 2012

Bjølsensundag

Plutseleg var det juni, og plutseleg budde me på Bjølsen. Saman med Cathrin som bakar tebriks på sundagar og som likar nesten all musikken som eg likar. Eg heng opp soppar og blometeikningar på veggen, går tur for å sjå på dei fine bjølsenhusa, drikk kaffe på bakeriet medan eg les avis og ser på den gule jentebabyen utanfor vindauget. Eg har vanskeleg for å uttrykka kor mykje eg likar sundagar, men eg prøvar: mangemange lastebilar med blomar i! Ein kopp kan og vera nok.


fredag 1. juni 2012

Kjærastmobil

Endeleg fekk eg og vera med på instagram! Ikkje med min mobil, for den kjem frå Clas Ohlson (og kan ikkje ein gong ta bilete), men med kjærastmobilen. Sånn blei det:







søndag 13. mai 2012

Helg / weekend

Helg er den beste oppfinnelsen eg veit om. Spesielt når det i tillegg til helg er venninnebesøk, konsert på skulen (eg fekk alle til å le, hurra!), middag på restaurant og kino med godtepose. No er det berre sundag igjen, og den skal brukast til å lesa Snømannen på kafé, og til å høyra på Tom Waits. Denne sangen blir eg aldri lei av:

God sundag!

tirsdag 24. april 2012

Fire ting å gleda seg til


Oslosommar med gras som sit fast i teppet og kinn som luktar solkrem. (berre litt til så er me der)


Gode ting som skal etas, og akkurat no helst ein cupcake med kokosflak eller lakris.


Kjekke menn med skinnjakke og blå bukser som kjem for å halda hand om eit døgn berre.



Ein haust full av musikk og gamle kjolar og kanskje ein heilt ny by i eit heilt nytt land men det tør eg ikkje seia høgt enno.