fredag 21. desember 2012

Snø?



Eg skulle berre seia at no er det jul. Det må det vera, for eg er heime i Norge, og her ligg snøen og ventar på meg. Midt i mitt vakre vestland, som vanlegvis diskar opp med vind og regn i jula. Det skal bli godt å varma seg framfor peisen, å eta lussekattane mor har spart til meg, og å treffa familie og gode vennar. Julemagien byrja med eit par nye sko (raude og varme), og ein fantastisk magisk julekonsert med Bugge Wesseltoft. Fint!

onsdag 12. desember 2012

12.12.12 (24 år)

I dag er det bursdagdag! Det er den finaste dagen eg veit, for eg får gjera berre fine ting og eta berre gode ting. Så langt er planen å gå på skøyter, besøka naturhistorisk museum, eta kake, drikka øl, og ha konsert saman med Londonkoret. Eg håpar at alle får ein skikkeleg fin dag og unnar seg noko fint, om ikkje anna fordi det er 12.12.12. Hurra! 

fredag 7. desember 2012

Samvittigheten er ei bøtte med vatn

Hihi! Det siste eg og Mathias gjorde før me flytta til London, var å spela inn kortfilm. Saman med nokre andre finingar hadde me 48 timar på å laga noko som kunne passa til ordet straff. Det vart blaut. Og kjekt! Og truleg den einaste gongen eg kjem til å vera med i ein kortfilm. Her er han i alle fall, med litt Oslosommar på kjøpet.

søndag 2. desember 2012

Der var du jo, desember





På vår nye kommode står tre julekalendarar, Sufjan Stevens syng om snø, og i vindauget er det raude lys i plassen for kvite. Desember vinn over dei andre månadane fordi han inneheld advent, jul og bursdag på ein gong. Eg feirar at han er her med min bestaste julekjole! 

søndag 25. november 2012

5 grunnar til at regn ikkje er så gale likevel

1. Det trommar så fint på vindauget
2. Ein kan vera inne heile dagen utan å få dårleg samvittighet
3. Ein kan gå tur og bli blaut og kald, og koma inn til tørre sokkar og kakao
4. Dei fine raude/prikkete/blomstrete støvlane kan få lufta seg
5. Ikkje noko regn, ingen regnboge


lørdag 10. november 2012

Eg vil ikkje bli ein innegubbe (jo det vil eg)

I det siste har eg vore ein innegubbe, inne foran pcen og inne bak boka og inne under dyna. Men heldigvis kjem eg meg ut innimellom. Her er bevisa:

Dette er strengt tatt inne, men inne sjå nokon andre. Heimefest! Det kan eg lika.

Fin paraplykunst i sør ein plass som eg sikkert aldri finn igjen.

Øl og Andrew Bird-konsert. 
Om de ikkje har høyrt noko av han, anbefalar eg veldig ein kikk/lytt. 
For eksempel Danse Caribe, den er sånn passe mjuk og fin og hoppande.

Kaffikake og shortbread med sitron og bringebær på vintageloppemarknad.
Det var så godt at eg framleis kan kjenna smaken i munnen.

Lange armar på den fine kaféen som ligg nokre gater frå oss.

No skal eg vera innegubbe igjen, med salte karamellar, Game of Thrones, sofa og øl i dei lange glasa. Hurra!

lørdag 3. november 2012

Laurdag

I dag er det laurdag, men det kjennes mest som ein tirsdag. Mathias regisserar kortfilm på skulen, og eg prøvar å finna ut av ein frilansjobb som virker å vera litt over mi fatteevne. Då kjenner eg meg litt dum, men så hugsar eg at det meste går bra om ein berre øvar seg. Så eg øvar meg. Og tenker på fine ting eg gler meg til.
  • Å få besøk av dei beste Københavnvenninnene, og samen drikka masse øl
  • Billettane til Andrew Bird-konserten som står og smilar i bokhylla
  • At desember berre er ein månad vekke (julekalender, bursdag, Hobbiten!)
  • Å prøva ut den fine kaféen eg fann då eg sykla meg vekk
  • Å ha første bandøving med fire kjekke gutar
  • Å utforska meir av London med Mathias
  • Å laga noko ordentlig godt seinare i dag (snickerssnop eller innbakt pizza)
  • Å sjå fleire episodar av Game of Thrones for å finna ut om det er bra eller ikkje
  • Å ha kafédag i morgon, medan leiligheten vår forvandlas til kortfilmkulisser
  • Jul!

mandag 29. oktober 2012

Tirsdag i timar

Eg blir alltid så fasinert når eg får vera med på nokon andre sin dag. Difor tenkte eg å ta dykk med på min tirsdag. Her kjem (nesten) alle timane, med bilete på. Hurra!

 09.30 Eg vakna av at Mathias var på veg ut døra. 
Han knytta skolisser mens han sang ein morgonsang.

10.30: Eg har vokse opp med at det må vera frukt til frokost. Modern Family er heller ikkje feil.

11.30: Der var eg. Ut på tur!

12.30: Kaffi på ein fin kafé i nabolaget vårt, saman med notatbok og bok.

13.30: Eg gjekk meg ein liten tur, for å pusta frisk haustluft og sjå på fine haustfargar.

 
14.30: Lunsj! Omelett med søtpotet og soltørka tomatar. 
Eg bør nevna at dette  ikkje er kvardagskost, sidan lunsjen min
vanlegvis er frokostblanding. Dermed vart tirsdag plutseleg ein ekstra fin dag.

15.30: Gitarspeling og låtskriving/rabling/hårriving

16.30: Eg traff Mathias etter han var ferdig på skulen,
og åt cookie til middag. Det kan eg, for eg er vaksen. Hihi!

 18.30: To timar seinare kjørte eg tuben til Elephant & Castle for å gå på mi første korøving.

21.30: Koret var heilt perfekt og så kjekt at eg gløymde av heile 
timeprosjektet. Plutseleg var me ferdige, og så var eg på tuben igjen.

22.30: Heime venta ein snill kjærast med øl. 

00.00: Dagen slutta med neglelakk som burde fjernast, og med min venn Harry Potter.


lørdag 27. oktober 2012

Piano

Ein av mine største bedriftar i London er at eg har bygga eit piano. Av papir og lim. Utan bruksanvisning! No står det i vindauget og flottar seg, og passar på at leiligheten vår er fin.

lørdag 20. oktober 2012

Hausthår

Plutseleg sto me på badet. Eg med eit håndkle rundt skuldrene, han med ei flaske hårfarge i hånda. 

onsdag 17. oktober 2012

Besøk

Til slutt fant hausten London. Men var heilt greit, for det gjorde Hanne òg! Dei siste dagane har vore pusterom med mjuke kaféstolar, mimring om videregåande, og vin i sofaen under dyna. Eg føler meg veldig priviligert som har fått ha ein Hanne på luftmadrassen på golvet, som lagar te til seg sjølv og som ikkje er einig i definisjonen av marineblå.

Hanne og Frøydis i 2007. Tenk på det, Hanne!

onsdag 10. oktober 2012

Sånne ting

Dei siste dagane har eg kjent på korleis det er å ha fri når ein eigentleg burde jobba. Dessutan har eg farga håret, prøvd å finna spelekameratar, laga gode vegetarmiddagar og sett på ungar som leikar utanfor vindauget (vår nærmaste nabo er ein barneskule, hihi). Eg har det fint, men saknar å kunne senda melding til nokon og seia hei. Skal me spela minigolf? Blir du med på kafé? Sånne ting.

fredag 5. oktober 2012

5 seriar

Eg er litt veldig skikkeleg glad i tv-seriar, og i år har eg funne fleire nye favorittar. Eg tenkte at eg kunne dela litt! Og om det er nokon som har ein serie å anbefala, blir eg veldig glad. Her er mine favorittar frå 2012, mest nytt, litt gamalt.

Link
1. New Girl
Trur eg har nevnt denne serien før, og det må vera fordi eg ikkje får nok. Morsom og søt, og full av klede som eg vil eta opp. Hvis eg skulle hatt ein jentekjærast, skulle det vore Zooey Deschanel.


Link
2. Six Feet Under
Dette er meg og Mathias sin kjærastserie, den me ser på når me et middag, og før me legg oss. No er me på fjerde sesong, og det er fortsatt like bra. Og då meiner eg superbra. Makabert og sårt og varmt og kaldt. Og så får eg alltid lyst til å farga håret raudt når eg ser Claire.

Link
3. Girls
Denne serien blir eg glad av, mest fordi han er morsom på ein klein måte, og fordi han er ærleg på ein måte som eg ikkje heilt har vore borti før. Om jenter, av jenter. Det likar eg.

Link
4. Bunheads
Ein serie eg alltid kjem tilbake til, er Gilmore Girls. Då eg fant ut at Amy Sherman (som laga Gilmore Girls) har begynt på ein ny serie, vart eg gira. Og veldig glad då det stadig dukka opp skodespelarar frå Stars Hollow! Stikkord: ballett, superraske samtalar, småby, rare karakterar.

Link
5. Just Desserts
Okei, eg har ein ting for realityseriar. Spesielt dei som involverar ein konkurranse av noko slag. Eg kan for eksempel nevna at Top Model og Project Runway er mine favoritt-guilty pleasures, hihi. I vår kom eg over Just Desserts, der konditorar konkurrerar i å laga dei beste dessertane. NAM. Nytas best saman med kake, is og sjokolade.

Bileta er linka.


søndag 30. september 2012

Blink blink blink

Tida går fort i London. Eg kjører på med nokre fine augneblinkar!

Kanin i vindauget

 Themsen inni ein regnboge

Eit fint tre som ikkje skal frysa

Ein kafé som likna på ein barnehage. Eg trur faktisk at det var ein barnehage

 Cupcakebukett

 Endeleg ein prikkevegg

Eg trudde ikkje me var kule nok til å vera på takterassefest. Ein kveld var me kule nok

mandag 24. september 2012

Mánudagur

I dag er det mandag på ordentlig. London har omsider sluppe taket i sommaren, og utanfor vindauget mitt er det berre regn. Då er det ekstra fint at dette skulle vera ein innedag uansett! Innedagen min skal bestå av frilansjobbing i sofaen, lange pausar med Gilmore Girls/Top Model/gitarspeling, og pianoliming. Det skal eg forklara nærmare ein annan gong. Finast av alt, i kveld kjem mi flotte mor heilt frå Klepp for å besøka meg. Eg gler meg! Nokre dagar med kaféliv, musikalopplevelsar og smil frå eit kjent fjes er akkurat det eg treng. God mandag!


onsdag 19. september 2012

5

Av og til tenker eg at eg må vera den heldigaste som fins. Som får vakna opp på sida av ein varm kropp kvar dag, som i tillegg er den kroppen eg likar best i heile verda. Å vera bestevenn med kjærasten sin er ein veldig bra ordning, truleg den beste ordningen eg har fått i stand nokon gong. I dag er eg ekstra glad! Då eg vakna kribla det i magen, og nokre minutter seinare satt det ein kaninlampe i senga og kikka på meg. Frå deg, du som støttar meg og tørker tårene mine og ler av meg når ingen andre syns eg er morsom. I dag har me vore saman i fem år, og det kjennes betre enn alt. Hurra!

  

fredag 14. september 2012

Fint x 3


Å finna det som må vera den perfekte kaféen, med dragar i taket og musikkbingo.

Å gå på kino for tre og eit halvt pund i eit gammalt teater,
og få sitta på balkong med gull og utskjæringar på.

Å laga mat på kjøkkenet og kjenna på at me bur her. Og at det er langt oppe på treet fint.

torsdag 6. september 2012

London

London er så fint! Kvar dag går eg ned ei ny gate, og finn ein ny pub/kafé/butikk. Den første dagen tenkte eg at her er det altfor stort for meg, eg kjem til å forsvinna ned i eit hol der ingen finn meg. No er eg litt meir optimistisk, det hjalp for eksempel å mala bokhylla blå. Då vart liksom alt litt betre. Eg gler meg til å bli betre kjent, til å ikkje måtte ha med kartet over alt, og til å føla meg som heime. Det kjem nok! På ei veke har me rukke å gjera desse fine tinga:

Spela gitar i senga
 
Ete sjukt gode pølser på Borough Market
 
Hengt med Hallvard, som flytta heim til Norge med ein gong me kom til London
 
Sett på utsikta fra Primrose Hill
 
Våre på tekafé. Eg har fått høyra frå fleire hold at eg må læra meg å lika te, men eg er skeptisk
 
Blitt kjent med min første Londonvenn, fine Elisabeth
 
Fått eit lite fargeshow frå Londonhimmelen