Monday blues

Regn på ruta, treige brødristarar og skohælar som fell av. Heldigvis fins det òg nytrakta kaffe, tepper med armar og sudokuar som går opp. Så eg trur denne mandagen går i null.

Tittei

Dei siste vekene har eg ikkje vore heilt i skrivehumør. Heldigvis har eg vore i mange andre typar humør, for eksempel jobbehumør, museumshumør og kaféhumør. Eg og mathias har til dømes vore på stockfleths for å prøva ut frappéen deira (å himmel) og for å lesa om stolar.

Bzz?

Ein dag i sommar var fluene litt ekstra plagsomme. Og store! (Me er ikkje galne)

Ein sommarkveld på Korsvoll

 

 

Ut av vindauget, himmelen lata som om han var eit hav.

Osten

Hihi!

Eg veit ikkje kva eg skal bli #4

Pensjonist?

Fullt av fint

I dag leikar eg sjukepleiar for ein liten kjærast som hostar og skjelv, finn ekstra pledd og kjøpar loff i butikken. Innimellom prøvar eg å læra meg kva hjernen vår eigentleg driv med, og om det var hypothalamusen eller hippocampusen som lagar og hentar fram minner. Hippocampusen var det. Om litt skal eg vandra ut i vårsola og pakka ut bananar på rimi, og ein full dag er ein fin dag.

God sundag!

Helg med blomar som sprett, snø som smeltar, og den fine sundagsfølelsen i magen. Eg har fått gjera musikkting, som er noko av det finaste eg veit å gjera, og no er eg berre glad, lukkeleg, smilande og så vidare.

God sundag!

Ein dag delt opp i punkt

• vakna opp til mitt eige sure fjes, høyrte på vampire weekend på banen og tok meg sjølv i å smila sånn heilt utan vidare.
• slapp ein fis på lesesalen, men lata som ingenting
• forelsning i psykologiens historie, fekk bekrefta at eg er betre venn med nåtida
• pause i forelesninga, fann ein tom krok med eit stort vindu og drøymde meg til ei blomstereng 
• hadde 1,19 kroner på kortet, fann ein reddande engel som baud på middag og sitrongele til dessert
• prøvde å laga fine tonar saman med Erlend og pianoet
• kraup opp i senga mi med postmann pat-dyne og ei bok, åt sjokolade berre fordi ingen kunne seia at eg ikkje fekk lov (og fordi det smakar godt)
• eg har ikkje sovna enno så dette er ein spådom : sovna med elefanton i armane, gløymte ikkje å sette på vekkerklokka.

Flettefint

O lykke! For første gong i livet (!) har eg langt nok hår til å laga heidifletter. I alle fall nesten.

Og så på den første vårdagen og allting

Akkurat no skulle eg mest av alt hatt sjumilsstøvlar, ikkje sånne vanlege støvlar som sklir på isen og lagar sår i hånda. Nokon som har eit par stående?

I dag har eg sydd eit rådhus

Je.

Sundagsaktivitet

Eg trur ikkje eigentleg at eg og mathias kan reknast som eit normalt par. I alle fall er me frykteleg gode på å gjera rare ting på sundagar. I dag for eksempel, laga me ein appelsinfilm.

Om appelsinar

Eg likar appelsinar. Eg likar appelsinjus. Eg hatar appelsinsjokolade og appelsinsaus, og alt anna med appelsin i. Utanom Appelsinpiken av Jostein Gaardar, den elskar eg faktisk litt. Mathias seier at eg er rar. Eg lurar på om det finnes nokon andre som er rare saman med meg?

kjelde

Eg veit ikkje kva eg skal bli #3

Budeie?

Drivhus

Eit drivhus er ei boble med tak og veggar.

Overflødig informasjon

Her kjem litt overflødig informasjon om meg, overflod kan jo vera fint.

Då eg var lita budde eg på Svaldbar og snakka ein rar krysning mellom sørlandsk og nordnorsk.

Eg elskar å gå på skøyter, og eigentleg seier eg skjesse i staden for skøyter.

Ein av dei beste tinga eg veit er å gå aleine på kafé, då kosar eg meg alt eg kan og skriv ned kva alle rundt meg driv med.

Eg kan bli heilt avhengig av små spel, som det her, som eg spelte med meg sjølv i mange veker på folkehøgskulen.

Noko av det som gjer meg gladast er å sjå på menneske som er glade i kvarandre, gamle folk som held hender og unge folk som kyssar på t-banen.



Fargar har stor innverkning på meg, eg blir dratt mot alt som er litt ekstra grønt eller gult eller blått. Difor liker eg ikkje filmar i svart-kvitt, og difor vil eg ha kjolar i alle regnbuens fargar.

For omlag tre år sidan kjøpte eg klede i guteavdelinga og hadde skikkeleg kort hår. No er eg jentejente, det syns både eg og Mathias er fint.

Eg vil at ting skal vera spennande, eg klemmer ikkje på julegavar og eg vil ikkje vita kven som ledar i yatzy.

Eg elskar å vera heime aleine. Då syng eg opera og snakkar med meg sjølv på engelsk.

Ynskje

I dette innlegget er det ingen bilder. Det er mest av alt fordi eg ikkje har noko kamera, ikkje noko linsedeksel og ikkje noko kameraveske. Det skulle eg gjerne hatt. Så kunne eg tatt bilde av snøstormen som syng i veggane, gule negler og blomekjolar som svingar. Nesten alle bildene her inne har eg lånt frå kjærasten min, han har kamera og linsedeksel og kameraveske og det skulle eg gjerne hatt. Eg seier det litt ekstra høgt nå rett før jul, berre sånn fordi.

Tankar frå ein fryseboks

Vaktfuglane klarar ikkje å stenge kulda ute, så eg tenner stearinlys og seier oppmuntrande ord til ovnen. Han er ikkje i godt humør og det går ut over meg, som er heilt uskuldeg og som alltid har gjeve han all den strømmen han vil ha. Jammen godt eg har dobbelt lag med strømpebukser.

Om absolutt ingenting

Kollektivliv er eit fint liv. I dag har me åte potetbåtar med konditorfarge og snart skal me sjå Billy Elliot, eg blir aldri lei av Billy og Alvilde har berre sett han ein gong. Men fyrst er me flinke jenter og gjer skulearbeid, utanom meg for eg skriv blogg. Og et kjeks. Eg har nemleg ein regel om å ikkje studera om kvelden, og den held eg kvar kveld. Det er nok eigentleg den beste regelen eg har.

Dagens tips: ikkje pill deg i nasen om du nett har kutta chili.