Om luft som luktar godt

Eg brukar dei første sommardagane i Oslo til å pakka, drøyma om Hellas, pakka meir, vaska, jobba og ordna ting. Så alt det kjekke: kjøpa blomeskjørt, laga pannekaker med Mathias, gå på kafé, lesa i fine bøker, ikkje ha på strømpebukse, sjå Midnight in Paris på kino, kyssa. Om ein månad flyttar eg og Mathias inn i ein søt liten leilighet på Korsvoll, det er litt utanfor byen men fullt av trær og luft som luktar godt og fiskar i ei bolle. Fiskebolle!

Prestekragekjærleik

Sånt som gjer ein sundag litt ekstra fin; å finna akkurat sånne øyredobbar som eg har ønska meg i ei æve, på markedet på Blå.

Augneblinkar i bevegelse

Slumredagar i slumrelandet med sjø og anna fint

Hurra!

Hurra for ein fantastisk ferie i eit kvitblått land, hurra for å vere heime i Oslo, og hurra for at verdens finaste kor og flinkaste You and Me Alfred har konsert i kveld! Snart kjem nokre fine feriebilete, men før det må eg reklamera litt for noko som kjem til å bli ein skikkeleg fin sundagskveld på kafé Mir. I kveld klokka ni, om du treng litt positiv energi eller berre vil lytta til fine tonar. Meir informasjon ligg her. Eg gler meg!

HELLAS

Berre nokre få timar står mellom meg og azurblått hav, greske salatar, kvite hus og tsatziki. Tsatziki til det tyt ut av øyrene. Og kvitvin på terassen seint på kvelden. Eg gler meg til å symja i den nye kvitprikka badedrakten min, til å kyssa i skyggen av eit oliventre, og til å få sand mellom tærne og under armane og i rumpa. Hurra! Eg kjem attende med fine bilete om ei stund. I mens håpar eg at alle nyt sommaren!

Sommarvind

NO er det sommar for alle pengane, sommar mellom tærne og sommar på raude skuldrar. På laurdag var det musikkfest i Oslo, sushi til lunsj og pai til middag, nydelege menneske på alle kantar, og no er det berre fint. Finast av alt; på tirsdag reiser eg og Mathias til Hellas, og det er faktisk berre ein dag til. HURRA!

Hei, morgon!

Det som er fint med å vera stor og bu for seg sjølv, er at ingen kan seia at det ikkje er lov med donut til frokost. Ha ein fin dag!

Ein liten grill

I går hadde eg og Mathias bestemt oss for at me skulle grilla i parken uansett kva. Kjem ikkje sommaren til oss må me koma til han, sa me. Neidå, me sa ikkje eigentleg det, men eg tenkte det i alle fall litt. Det gjekk som det måtte, tre lag med gensarar og ikkje ei sjel i syne. Men me var jo der. Og me hadde det fint! Så det.

Mathias var grillmester og laga marshmallows til forrett.

Eg sat berre der.

Banansjokolade!

No er eg i den sjuande himmel, for me har nettopp bestilt billettar til SVANESJØEN. I operaen. Fine billettar til berre 100 kroner, sånn at ein får bøya seg litt over kanten og sitja i tog. Det var skikkeleg få igjen, så om det er nokon andre som og vil vera i den sjuande himmel og sitja i tog så må dei bestilla snart.

Osten

Hihi!

Om verda var eit bondesjakkspel var du eit armband

HURRA! No er eksamen bak ein haug, eg overlevde med helsa i behold og blei møtt av ein fin kjærast som tok meg med på restaurant med fleire rettar til og med. Etterpå hoppa me paradis og spelte utandørsbondesjakk, eg ser sur ut men det er berre fordi eg tenkar så sjukt hardt. Bondesjakk <3

Orm i Oslo

Midt imellom all eksamenslesinga fann eg og Mathias ein orm som stakk opp av bakken. No er me vennar på facebook! Neidå. Ormar har jo ikkje facebook.

17.mai-fliken

Eg har ein eigen flik av hjarta mitt som heiter 17.mai-fliken. Fordi eg elskar å ete pølser og fordi føtene mine byrjar å marsjera av seg sjølv når dei høyrer korpsmusikk. Her er ni augneblink frå ein sjukt fin dag.

Frokost skal det vera.

Kjekk ass.

Me feira Noreg med litt offentleg kyssing.

Og fletter sjølvsagt.

Laila og Mette Amalie var frykteleg søte, sånn som dei pleier å vera.

Mathias har eigentleg verdas minste øyrer, men eg trur ikkje eigentleg ein ser det på dette bilete. Synd.

Me hoppa inn i toget slik at me òg skulle få vinka til kongen. Eg blei kjempeglad!

Å få gå med bunad var nesten det finaste med heile dagen. Eg er heilt forelska i min, som er nødt til å vera verdas finaste. Fattar ikkje at eg hadde så god smak då eg var fjorten.

Ballongane flaug opp til skyene og me gjekk heim til sprudlevin og spelekameratar. Akkurat perfekt.

Noko eg gjerne skulle hatt om halsen

Kipekee er ein nettbutikk med supersøte ting i , nett no har dei ein konkurranse og eg har lyst til å vinna eit av kameraa deira meir enn alt. Helst må det vera ein Diana F+ mini Love is in the air. Mitt gamle kamera er dødt, eg ønskar meg ein ny ven! Sjå berre kor fin ho er med skyer på <3

Link til sida som kamerat gøymer seg på er her, og link til film er her. Det må ein jo òg ha.

Lykka er ein marsipankval

Eg seier litt lite om dagen, men det er berre fordi eg les så mykje. Då kan det vera fint å veia opp med å seia litt mindre. Heldigvis er det fullt av små fine augneblinkar innimellom alle orda, gras under tærne og sol i nakken, ein iskald lemonade på ein fin kafé, å sitta på sida av ein mann som luktar akkurat som ein bil, og å høyra på korleis menneska endrar lydane sine når kveldane blir varme. Nett no: å eta ein marsipankval.