Bjølsensundag

Plutseleg var det juni, og plutseleg budde me på Bjølsen. Saman med Cathrin som bakar tebriks på sundagar og som likar nesten all musikken som eg likar. Eg heng opp soppar og blometeikningar på veggen, går tur for å sjå på dei fine bjølsenhusa, drikk kaffe på bakeriet medan eg les avis og ser på den gule jentebabyen utanfor vindauget. Eg har vanskeleg for å uttrykka kor mykje eg likar sundagar, men eg prøvar: mangemange lastebilar med blomar i! Ein kopp kan og vera nok.

Oh yes, oh no

Den siste dagen i København var me i Tivoli, sidan eg aldri har vore der, og sidan Guro sa at det var ordentlig fint der. Det var ein litt rar og veldig fin kveld der me veksla mellom grining og latterkrampe, og eg fekk eit lite innsyn i korleis bipolare lidelsar artar seg.

Kjærastmobil

Endeleg fekk eg og vera med på instagram! Ikkje med min mobil, for den kjem frå Clas Ohlson (og kan ikkje ein gong ta bilete), men med kjærastmobilen. Sånn blei det:

Slutt men byrjing

No er det slutt. Berre ein kveld igjen, og for ein kveld det skal bli, men auau i hjarta og tårer som ligg rett bak augelokka. Herlege fantastiske København, takk for at du tok meg inn! Eg er så utruleg glad for alt eg fant her nede, men mest av alt for morsomme Marit og Dagný med den høge latteren, for fleire centimeter med sjølvtillit, og for draumeskyer som eg endeleg tørr å dra nærmare. No blir det sommarferie i Oslo, og så dreg eg til London for å prøva lykka som musikar. Skål!

 

Emosjonell karusell

Hoi! Om ei veke flyttar eg heim til fine Norge, og før det har eg tenkt å nyta København så mykje som eg kan. Det kjennes litt som å flytta frå ein god venn, og det er ikkje det kjekkaste i verda. Spesielt sidan eg har blitt så glad i desse galne sangarane som plutseleg kan byrja å brøla i butikken for å testa ut noko me nettopp har lært, og som er like glade i å drikka billig øl som meg. Samtidig gler eg meg evig mykje til å få vera sambuar igjen, og til å ha gode Oslofolk berre ein gåtur/busstur unna. Eg er ganske emosjonelt forvirra, glad og lei meg og på toppen av alt har Mathias kome inn på filmskule og i september pakkar me gitar og koffert og kamera og flyttar til London.

London.

Hjelphjelphurrahurrahurra!!!

Helg / weekend

Helg er den beste oppfinnelsen eg veit om. Spesielt når det i tillegg til helg er venninnebesøk, konsert på skulen (eg fekk alle til å le, hurra!), middag på restaurant og kino med godtepose. No er det berre sundag igjen, og den skal brukast til å lesa Snømannen på kafé, og til å høyra på Tom Waits. Denne sangen blir eg aldri lei av:

God sundag!

Gode tirsdagsaugneblinkar

Å byrja dagen på kafé med utsikt over Købmagergade og takknemlege tankar i hovudet.

Å synga songbird på skulen og tenka at dette hadde eg ikkje fått til for fire månadar sidan.

Å ha pizzakveld med fine klassekameratar på minihybelen, og å snakka om alt frå synging til skabb.

Å bli fortalt at eg liknar på Audrey Hepburn.

Å gleda seg til å få besøk av bestaste Mette Amalie om berre tre dagar.

Blomane i hagen

Då Mathias var på besøk gjekk me endeleg til Botanisk hage. Det har eg tenkt å gjera sidan eg flytta hit, så det var på tide, får ein vel seia.

Det vart litt hopping, rompekikking, blomesniffing og til slutt såg eg overlegen ut. Det var eg eigentleg ikkje.

Eit bilete som alltid får meg til å smila

Ein bitteliten Mathias. Han seier han var sjuk, eg seier han var søt.

Fire ting å gleda seg til

Oslosommar med gras som sit fast i teppet og kinn som luktar solkrem. (berre litt til så er me der)

Gode ting som skal etas, og akkurat no helst ein cupcake med kokosflak eller lakris.

Kjekke menn med skinnjakke og blå bukser som kjem for å halda hand om eit døgn berre.

Ein haust full av musikk og gamle kjolar og kanskje ein heilt ny by i eit heilt nytt land men det tør eg ikkje seia høgt enno.

Torsdag

Sånn her er eg i dag; småsmilande og fornøyd med ny bluse på.

Alle gode ting er kafé

Kafélivet er eit fint liv, syns eg. Restaurantkaféar, bokkaféar, pubkaféar, fortauskaféar - eg er venn med alle! I det siste har eg fått ein ny venn, han heiter kafé Retro og er ein slags pubkafé med gamle lampar og hylleblomstsaft i hyllene.

Knabrostrædet 26

Kalimba!

Eg har kjøpt meg ein kalimba! Den lagar mjuke plingelydar, og har allerede trylla ein av klassekameratane mine i søvn. Mitt nye favorittinstrument, trur eg.

Pølsehorn og lakrispipe

Eg spring framleis rundt og leitar etter dei finaste kaféane i København, og syns eigentleg at det går ganske bra! Det er litt som å vera liten igjen, og ha bursdagsselskap med skattekart og sjokoladekiste som er gøymd innerst i garderobeskapet. Berre at det ikkje nyttar å leite i garderobeskapet. Då Mathias var her sist var me flinke skattejegarar og fann Krummen & Kagen i Nordre Frihavnsgade på Østerbro. Me hadde trøtte loppemarkedføter og trengte nøyaktig eitt pølsehorn, ein solbærdrikk og ei lakrispipe. Jammen flaks!

Hei på påsken

Eg har vore heima på Klepp i påsken, og har som vanleg fått treffa fine folk, helsa på små menneske som plutseleg kan gå, og eta godgod mat. På fredag var eg og mor på ein heilt fantastisk konsert, og i går kom eg tilbake til finaste København. Eg gler meg skikkeleg til å byrja på skulen att, og på onsdag skal eg synga klassisk! Det har eg ikkje gjort før, så det kan fort bli interessant. No skal eg sjå litt meir på Weeds, eta eit sjokoladeegg og kanskje lesa litt i den skumle boka eg har lånt i anledning påsken. Ferie = fint.