Eg gjer meg sjølv eit klapp på skuldra - tenk at eg har gått eit halvt år utan å kjøpa klede! For å feira kjøpte eg meg ein premie, full av søte harepusar.
tirsdag 28. februar 2012
søndag 26. februar 2012
Is og gras
Sånn her såg København ut då eg flytta hit for to veker sidan. Eg leste kart for å finna ut om det her var ein sjø eller kva, og halve København hadde våga seg ut på isen for mellom anna å spela curling med feiekostar og gryter. Sånt likar eg! To veker seinare ser byen heilt annleis ut, våren kjem tassande og graset blir grønt. I dag såg eg til og med blomar i graset! Dessutan treng eg ikkje ta opp kartet på kvart einaste gatehjørne lenger. Hurra!
Kategoriar:
om København
lørdag 25. februar 2012
I want to ride my bicycle
Men det kan eg ikkje, for den er heima i Norge. Danskane er sjukt gode på sykling, og får nesten like mykje respekt i trafikken som bilane. Det verste ein kan finna på å gjera er å gå i sykkelfeltet, for der går det fort! Kvar dag ser eg utruleg mange fine syklar, og desse er eg spesielt misunneleg på:
Kategoriar:
om København
onsdag 22. februar 2012
Ut men inn
Eg bur i ein bunkers. Neidå, eigentleg er det ei blokk. På utsida tøffar ho seg litt, men på innsida har eg mjukna ho opp med blomar og soppespeil. Og fargeblyantar. Tenk at eg bur i København! Fytti katten.
Kategoriar:
om København
søndag 19. februar 2012
København!
Eg er bittelitt i himmelen. København er på ein måte himmelen. Eg har berre vore her i litt over ei veke, men eg byrjar å bli kjent med Københavnfrøydis, og ho er faktisk ganske bra! Her er nokre fine ting Københavnfrøydis har foretatt seg.
Og byrja på ny skule då, men det kan eg fortelja om ein annan gong. Ha ei fin veke, alle! Det skal eg!
Eta hummussandwich og finna min nye stamkafé på ein gong |
Vera glad, nøgd og litt trøytt på ein gong |
Drikka fin og billig københavn-øl |
Laga første middag på ny hybel |
Gå på isen |
Halda rundt den finaste kjærasten som ikkje skal bu i København |
Vera meir på kafé. |
Kategoriar:
om København
mandag 6. februar 2012
Å hjelpes
På torsdag flyttar eg til København med ullsokkar og teskjeier og gitar, for å bli popstjerne. Neidå! Eg skal berre bli god til å synge. I nesten eit år har eg berre gleda meg og gleda meg til akkurat denne veka, men no når ho er her byrjar eg å lura på om det eigentleg kjem til å gå bra. Lille Frøydis i den store byen, i landet der eg kjennar ingen og på skulen der alle har mykje meir erfaring enn meg. Eg trøstar meg med at alt ordnar seg for kjekke jenter. Og at av og til så må ein berre hiva seg uti det, sjølv om ein kanskje må knipa att augene litt for å klara det.
Kategoriar:
om København
Abonner på:
Innlegg (Atom)