Blink blink blink

Tida går fort i London. Eg kjører på med nokre fine augneblinkar!

Kanin i vindauget

 Themsen inni ein regnboge

Eit fint tre som ikkje skal frysa

Ein kafé som likna på ein barnehage. Eg trur faktisk at det var ein barnehage

 Cupcakebukett

 Endeleg ein prikkevegg

Eg trudde ikkje me var kule nok til å vera på takterassefest. Ein kveld var me kule nok

Mánudagur

I dag er det mandag på ordentlig. London har omsider sluppe taket i sommaren, og utanfor vindauget mitt er det berre regn. Då er det ekstra fint at dette skulle vera ein innedag uansett! Innedagen min skal bestå av frilansjobbing i sofaen, lange pausar med Gilmore Girls/Top Model/gitarspeling, og pianoliming. Det skal eg forklara nærmare ein annan gong. Finast av alt, i kveld kjem mi flotte mor heilt frå Klepp for å besøka meg. Eg gler meg! Nokre dagar med kaféliv, musikalopplevelsar og smil frå eit kjent fjes er akkurat det eg treng. God mandag!

5

Av og til tenker eg at eg må vera den heldigaste som fins. Som får vakna opp på sida av ein varm kropp kvar dag, som i tillegg er den kroppen eg likar best i heile verda. Å vera bestevenn med kjærasten sin er ein veldig bra ordning, truleg den beste ordningen eg har fått i stand nokon gong. I dag er eg ekstra glad! Då eg vakna kribla det i magen, og nokre minutter seinare satt det ein kaninlampe i senga og kikka på meg. Frå deg, du som støttar meg og tørker tårene mine og ler av meg når ingen andre syns eg er morsom. I dag har me vore saman i fem år, og det kjennes betre enn alt. Hurra!

  

Fint x 3

Å finna det som må vera den perfekte kaféen, med dragar i taket og musikkbingo.

Å gå på kino for tre og eit halvt pund i eit gammalt teater,
og få sitta på balkong med gull og utskjæringar på.

Å laga mat på kjøkkenet og kjenna på at me bur her. Og at det er langt oppe på treet fint.

London

London er så fint! Kvar dag går eg ned ei ny gate, og finn ein ny pub/kafé/butikk. Den første dagen tenkte eg at her er det altfor stort for meg, eg kjem til å forsvinna ned i eit hol der ingen finn meg. No er eg litt meir optimistisk, det hjalp for eksempel å mala bokhylla blå. Då vart liksom alt litt betre. Eg gler meg til å bli betre kjent, til å ikkje måtte ha med kartet over alt, og til å føla meg som heime. Det kjem nok! På ei veke har me rukke å gjera desse fine tinga:

Spela gitar i senga

 

Ete sjukt gode pølser på Borough Market

 

Hengt med Hallvard, som flytta heim til Norge med ein gong me kom til London

 

Sett på utsikta fra Primrose Hill

 

Våre på tekafé. Eg har fått høyra frå fleire hold at eg må læra meg å lika te, men eg er skeptisk

 

Blitt kjent med min første Londonvenn, fine Elisabeth

 

Fått eit lite fargeshow frå Londonhimmelen

  

Livsteikn

Første ordentlege middag i leiligheten vår. I London!
Fortsettelse fylgjer.

Herliga London

For ei veke sidan var me i London for å finna tak over hovudet. Det var litt vanskeleg, men mest av alt fint! Sånn her såg det ut:

Og så, sist men ikkje minst. Her skal me bu, i ei gammal kyrkje som har blitt gjort om til leiligheter. I ei gate full av sånne engelske rekkehus som er så fine og smale, og med vindauge som vendar ut mot blomar og tre. Eg kan informera om at eg er rimeleg nøgd. På mandag dreg me, hoihoi!

Hovedøya

Det tok meg 4 år å koma med båten frå Vippetangen til Hovedøya, det som eg hadde tenkt å gjera den fyrste Oslosommaren, og så den andre. Den fjerde blei det. Seint men godt.

Bye bye, butterfly

I går var det utflyttingsfest! Eg fekk sei hadet til nesten alle dei beste, og pynta meg i den nye Londonkjolen.

Blomstereng

No går alt frykteleg fort. Eg lurar litt på korleis det skal bli tid til pakking og jobbing og vasking og endå ein jobb og farvel og klem og øl og avskjedsfest og flytting og soving, men det ordnar seg til slutt. Det gjer det alltid for kjekke jenter. Og i enden av tunnelen (men det er ikkje ein tunnel, for eg likar ikkje tunnelar), i enden av blomsterenga, ligg London og putrar og ventar og seier kom dååå Frøøøydis. I morgon reisar me på visningsmaraton, tenk det, å ta fly for å gå på visning. Det har eg i alle fall aldri gjort før.

Juli + sommar + Oslo

                                             Juliaktivitetar: klatring, minigolf og Bezzervizzer!

                                                    Julistikkord: regn og rot i sokkeskuffen

                                                                  Juliutflukt: Drammen!

                                         Fine juli då eg fann sykkellykka, og Mathias hang seg på.

                                             Me las bok i parken, og samla D-vitaminar i sola

                                                            Julimat: hamburgar og øl.